BY GRACE ANN BUELA | THE AUTHOR BAGONG PAG-ASA Isinulat ni Grace Ann Buela Sa kalagitnaan ng ulan at bagyo Dumating kang dala ang panyo Pinunasan ang mga matang namumugto Muling binuo ang wasak na puso. Pinayungan mo ako ng iyong pag-ibig Hinatid patungo sa bagong pag-ibig Di ka nawala sa gabing madilim At sa tuwing maulan, ikaw ang siyang lilim. Sumikat na ang araw Kinabukasan ay aking natatanaw Malayo sa anino ng nakaraan Malayo sa sakit at kalungkutan Handa na ako sa bagong ngayon Ang makasama ka sa lahat ng hamon. Di man magiging madali Ang mga araw at tanghali Pilit akong lalaban Pagkat ikaw Hesus ang aking tanggulan Simula ngayon at magpakailanman.